Dwayne Ellul u Joseph Buttigieg attendew kors ta' taħriġ intensiv dwar il-lessikografija u l-linwgistika tal-korpora, organizzat mill-kumpanija ewlenija Lexical Computing, f'Bari, l-Italja.
Wieħed mill-kelliema ewlenin matul il-kors kien il-lingwista u lessikografu magħruf Michael Rundell li għal ħafna snin kien Editur Maniġerjali tal-Longman Dictionaries u l-Editur Ewlieni tal-macmillandictionary.com, u llum huwa l-Uffiċjal Lessikografiku Ewlieni ta' Lexical Computing Ltd. Rundell ittratta, fost l-oħrajn, il-qagħda lessikografika attwali; kif jingħarfu t-tifsiriet tal-kelma u kif jistgħu jiġu ppreżentati; kif jingħażlu eżempji adattati; il-vantaġġi ta' dizzjunarji online fuq dawk stampati; u kif il-lingwa mhux lakemm titqiegħed f'garżelli riġidi.
Julie Moore, li ħadmet fuq bosta dizzjunarji ewlenin, mexxiet sessjoni dwar ix-xogħol lessikografiku fil-prattika. Il-kors kien jinkludi taħriġ fuq il-pjattaforma Sketch Engine u fuq is-software tal-kumpilazzjoni tad-dizzjunarji, Lexonomy. Ingħatat attenzjoni speċjali lill-użu tal-korpora bħala l-bażi tal-lessikografija moderna. Tqanqlet ukoll il-kwistjoni tal-Intelliġenza Artifiċjali f'dan il-qasam, speċjalment kif din tista' tintuża bl-aħjar mod biex jiġi eliminat ċertu xogħol mekkaniku u tiżdied l-effiċjenza.
It-temi li ġew ittrattati huma fundamentali għal riżorsi ferm meħtieġa għall-ilsien Malti, bħalma huma l-bini ta' korpora ġodda u l-kumpilazzjoni ta' dizzjunarji, inklużi dawk speċjalizzati. Is-Sur Dwayne Ellul huwa lettur fiss fid-Dipartiment tal-Malti u jispeċjalizza fil-lessikografija waqt li s-Sur Joseph Buttigieg jgħallem il-lingwistika tal-korpora.
Dwayne Ellul and Joseph Buttigieg attended an intensive training course in lexicography and corpus linguistics, organised by the leading company Lexical Computing, in Bari, Italy.
One of the main speakers during the course was the well-known linguist and lexicographer Michael Rundell, who for many years served as Managing Editor of the Longman Dictionaries and as Editor-in-Chief of macmillandictionary.com. He is now Chief Lexicographic Officer at Lexical Computing Ltd. Among other topics, Rundell addressed the current state of lexicography; word sense disambiguation and induction; selecting suitable examples; the advantages of online dictionaries over printed ones; and how language cannot be constrained within rigid frameworks.
Julie Moore, who has worked on several leading dictionaries, led a session on practical lexicography. The course included training on the Sketch Engine platform and on Lexonomy, a dictionary compilation software. Special attention was given to the use of corpora as the foundation of modern lexicography. The issue of Artificial Intelligence in this field was also raised, particularly in relation to how it can be best used to speed up mechanical tasks and improve efficiency.
The themes discussed are fundamental for the development of much-needed resources for the Maltese language, such as the creation of new corpora and the compilation of dictionaries, including specialised ones. Mr Dwayne Ellul is a resident academic in the Department of Maltese specialising in lexicography, while Mr Joseph Buttigieg teaches corpus linguistics within the Department.
