It-Tnejn 20 ta’ Ġunju 2022, fis-6:00pm, Elaine Vella se tagħmel taħdita bl-isem ta’ “Seħer il-Malti: Minn Fomm il-Poplu għal Arkivju Lingwistiku”. Din it-taħdita se ssir mil-Librerija tal-Fakultà tal-Arti fl-Università ta’ Malta u se tintwera diretta fuq Zoom u Facebook.

Din it-taħdita hija parti mis-sensiela fuq It-Tradizzjoni Orali organizzata mid-Dipartiment tal-Malti tal-Università u hija miftuħa għal kulħadd. Dan il-proġett qed isir bl-għajnuna tal-Fondi ta’ Riċerka tal-Università ta’ Malta u l-Klabb Kotba Maltin.