Erba’ studenti postgradwatorji mid-Dipartiment tal-Malti u l-Istitut tal-Lingwistika u t-Teknoloġija tal-Lingwa ppreżentaw xogħolhom fuq suġġetti marbutin mar-riċerka lingwistika Maltija f’workshop bl-isem Triangulation II – A plethora of ideas about language (Wales, Malta, Northwest Germany) f’Delmenhorst, il-Ġermanja. Il-workshop, li kien organizzat mill-Università ta’ Bremen, sar fl-Istitut tal-Istudju Avvanzat Hanse-Wissenschaftskolleg, bejn il-5 u s-6 ta’ Ġunju 2023. Dan il-forum akkademiku ttella’ għat-tieni sena konsekuttiva.
Kirsty Azzopardi, studenta tad-Dottorat mad-Dipartiment tal-Malti, tat taħdita dwar “The argument structure of motion verbs in Maltese”. Raffaello Bezzina, li għadu kif temm il-Masters tiegħu fil-Malti, tkellem dwar “Word formation in Maltese”. Michela Vella, studenta tad-Dottorat mal-Istitut tal-Lingwistika u t-Teknoloġija tal-Lingwa, tat taħdita bit-titlu “In the (playing) field: Maltese child language data collection”. Thomas Pace, li dan l-aħħar ukoll temm il-Masters mad-Dipartiment tal-Malti, ippreżenta x-xogħol tiegħu bit-titlu “Language use in Malta’s public administration”.
L-organizzaturi tal-workshop kienu Julia Nintemann, Maike Vorholt, Deborah Arbes u Kevin Behrens mill-Università ta’ Bremen, il-Ġermanja. Taw sehemhom ukoll il-Prof. Thomas Stolz mill-istess università, li kien il-moħħ wara din l-inizjattiva, il-Prof. Ray Fabri, il-kap tad-delegazzjoni Maltija, u Dr Iwan Wyn Rees, il-kap tad-delegazzjoni mill-Università ta’ Cardiff f’Wales. Din l-opportunità għar-riċerkaturi tal-lingwa u l-lingwistika Maltija li jibnu l-kuntatti ma’ lingwisti u riċerkaturi oħra hija frott il-koperazzjoni li hemm bejn id-Dipartiment tal-Malti u l-Istitut tal-Lingwistika u t-Teknoloġija tal-Lingwa fl-Università ta’ Malta u l-fergħat taċ-Ċentru tal-Ilsien Malti f’Malta u Bremen.
_ _ _
Postgraduate Maltese linguists participate at a workshop in Delmenhorst, Germany
Four postgraduate students from the Department of Maltese and the Institute of Linguistics & Language Technology recently read papers on Maltese linguistics at a workshop entitled Triangulation II – A plethora of ideas about language (Wales, Malta, Northwest Germany) in Delmenhorst, Germany. The workshop, which was organised by the University of Bremen, was held at the Hanse-Wissenschaftskolleg, Institute for Advanced Study, on 5th and 6th June 2023 and was the second event of its kind, following last year’s first successful triangulation workshop.
Kirsty Azzopardi, a doctoral student in the Department of Maltese, gave a talk about “The argument structure of motion verbs in Maltese”. Raffaello Bezzina, a student who has just finalised his Masters in Maltese, spoke about “Word formation in Maltese”. Michela Vella, a doctoral student at the Institute of Linguistics and Language Technology, gave a talk entitled “In the (playing) field: Maltese child language data collection”. Thomas Pace, who has also recently finalised his Masters with the Department of Maltese, presented his work about “Language use in Malta’s public administration”.
The workshop organisers were Julia Nintemann, Maike Vorholt, Deborah Arbes and Kevin Behrens from the University of Bremen, Germany. Prof. Thomas Stolz from the same university, who came up with this initiative, Prof. Ray Fabri, Head of the Maltese Delegation, and Dr. Iwan Wyn Rees, Head of the Delegation from the University of Cardiff in Wales, all contributed to this event. This opportunity for Maltese language and linguistics researchers to network with other linguists and researchers is the result of the cooperation between the Department of Maltese and the Institute of Linguistics and Language Technology at the University of Malta and the branches of the Malta Centre in Malta and Bremen.
