Il-Konferenza Dun Karm, li ssir kull sentejn, bdiet fl-1976 mat-twaqqif tal-Fondazzjoni Karmen Mikallef Buħaġar bil-għan li r-riċerkaturi regolarment jistħarrġu xi aspett tal-kontribut letterarju u lingwistiku tal-poeta nazzjonali. F'din it-taqsima ntellgħu l-filmati tat-taħditiet li jiġu organizzati u f'din il-paġna nelenkaw it-taħditiet kollha li saru u wħud mill-pubblikazzjonijiet li ħarġu mill-konferenza.
The biennial Konferenza Dun Karm started in 1976 with the establishing of Fondazzjoni Karmen Mikallef Buħaġar. Its aim is to bring together researchers that study literary and linguistic aspects of the national poet's works. This section contains videos of the lectures, while this page includes a list of the lectures and some of the publications with findings from the conference.
Mons. Carmelo Psaila, Assistent Librar u Direttur tal-Libreriji Distrettwali | Joanne Sciberras
Joanne Sciberras, "Monsinjur Carmelo Psaila – Assistent Librar u Direttur tal-Libreriji Distrettwali"
Taħdita ta' Joanne Sciberras dwar "Monsinjur Carmelo Psaila – Assistent Librar u Direttur tal-Libreriji Distrettwali" li saret l-Erbgħa 3 ta' Novembru 2021 f'Sala Pietru Pawl Saydon (ALT) tal-Università ta' Malta, Tal-Qroqq bħala parti mis-sensiela tal-Konferenza Karmen Mikallef Buħaġar immexxija mid-Dipartiment tal-Malti tal-Università ta' Malta. Produzzjoni u direzzjoni ta' Daniel Bezzina.
Konferenza Dun Karm – Dwayne Ellul
Id-Dizzjunarju Ingliż u Malti ta' Mons. C Psaila Dwayne Ellul nhar it-Tlieta 31 ta' Ottubru 2023 F’din it-taħdita Ellul jitfa’ dawl fuq faċċata sikwit minsija mill-figura kumplessa ta’ Mons. C. Psaila: il-ħidma tiegħu fuq id-Dizzjunarju Ingliż u Malti, magħruf l-aktar bħala d-Dizzjunarju ta’ Dun Karm. It-taħdita tiffoka fuq tliet oqsma ewlenin: (a) l-istorja tad-Dizzjunarju Ingliż u Malti; (b) il-filosofija ta’ Psaila dwar il-lingwa u l-lessikografija; u (ċ) analiżi ta’ aspetti mid-Dizzjunarju li kienu nnutaw il-kritiċi.
L-Iħorijiet fil-Poeżija Politika ta’ Dun Karm
Prof. Immanuel Mifsud
Il-poeżija ta' Dun Karm, speċjalment (għalkemm mhux biss) dik politika, toħloq diskors li jsawwar sensiela ta' distinzjonijiet bejn jien u l-Ieħor. F'dan il-proċess, fil-verità, jinħoloq aktar minn Ieħor wieħed u kull wieħed minn dawn jiġi identifikat billi jitħalla anonimu... jew kważi.
Id-drittijiet ta’ dan ix-xogħol huma tal-awtur(i)/tal-pubblikatur kif definiti fil-Leġiżlazzjoni xierqa dwar id-Drittijiet tal-Awtur jew kif emendati b’kull leġiżlazzjoni suċċessiva. L-utenti jistgħu jaċċessaw dan ix-xogħol u jistgħu jużaw l-informazzjoni li fih, skont il-Leġiżlazzjoni dwar id-Drittijiet tal-Awtur u dment li l-awtur jiġi rikonoxxut kif xieraq. Huma pprojbiti d-distribuzzjoni jew ir-riproduzzjoni ulterjuri fi kwalunkwe format mingħajr il-permess minn qabel tad-detentur tad-drittijiet tal-awtur.
Il-Mara f’Malta ta’ Dun Karm: Bejn Poeżija u Storja
Dr Simone Azzopardi
‘Inħobb iżjed lill-oħra, illum ta’ ġewwa.’ Fl-allegorija ta’ pajjiż bħala mara, jinstema’ l-eku tal-fehma ta’ Dun Karm dwar l-ideal femminili li jikteb dwaru f’diversi poeżiji. Min-naħa nistgħu nħarsu lejn dawn il-poeżiji bħala mezzi alternattivi li minnhom nafu naqraw fehmiet soċjali dwar in-nisa fl-ewwel parti tas-seklu għoxrin. Min-naħa l-oħra, analiżi tal-kuntest storiku wiegħsa taf tispjegalna aħjar kif il-mara tidher, jew ma tidhirx, fil-poeżiji tiegħu. Bejn il-mara fil-poeżiji ta’ Dun Karm u l-mara f’Malta ta’ żmien Dun Karm, hemm diversi punti t’interess li jistħoqqilhom diskussjoni.
Id-drittijiet ta’ dan ix-xogħol huma tal-awtur(i)/tal-pubblikatur kif definiti fil-Leġiżlazzjoni xierqa dwar id-Drittijiet tal-Awtur jew kif emendati b’kull leġiżlazzjoni suċċessiva. L-utenti jistgħu jaċċessaw dan ix-xogħol u jistgħu jużaw l-informazzjoni li fih, skont il-Leġiżlazzjoni dwar id-Drittijiet tal-Awtur u dment li l-awtur jiġi rikonoxxut kif xieraq. Huma pprojbiti d-distribuzzjoni jew ir-riproduzzjoni ulterjuri fi kwalunkwe format mingħajr il-permess minn qabel tad-detentur tad-drittijiet tal-awtur.
Evviva s-seklu tagħna
Prof. Dominic Fenech
Is-snin ta' bejn iż-żewg gwerer dinjin huma żmien seminali fl-iżvilupp politiku, kulturali u nazzjonali ta' Malta. Ingħatajna gvern risponsabbli, li iżda rrokka minħabba diżgwid politiko-religjuż, fuq il-lingwa, u fil-qasam internazzjonali. Kien żmien ta' modernizzazzjoni mgħaġġla, bil-firxa tat-trasport mekkaniku, taċ-ċinema, tar-radju, u innovazzjonijiet oħra li fetħu tieqa fuq id-dinja lil hinn minn xtutna, u anki fixklu lil min ma kienx lest għall-bidliet li ġabu fl-istil tal-ħajja. Dan kien l-isfond għall-ħafna mill-kitba ta' Dun Karm - kuntest ta' tibdil u taqlib li l-poeta anki indirizza direttament. Kien żmien ta' qawmien tal-ilsien Malti, li ma tantx ta gost lil min qies it-Taljan bħala la lingua di Malta. Dun Karm issogra li jsib ruħu bejn il-basla u qoxritha.
Id-drittijiet ta’ dan ix-xogħol huma tal-awtur(i)/tal-pubblikatur kif definiti fil-Leġiżlazzjoni xierqa dwar id-Drittijiet tal-Awtur jew kif emendati b’kull leġiżlazzjoni suċċessiva. L-utenti jistgħu jaċċessaw dan ix-xogħol u jistgħu jużaw l-informazzjoni li fih, skont il-Leġiżlazzjoni dwar id-Drittijiet tal-Awtur u dment li l-awtur jiġi rikonoxxut kif xieraq. Huma pprojbiti d-distribuzzjoni jew ir-riproduzzjoni ulterjuri fi kwalunkwe format mingħajr il-permess minn qabel tad-detentur tad-drittijiet tal-awtur.