Riżorsi Terminoloġiċi
Din il-paġna fiha ġabra ta' riżorsi terminoloġiċi, stampati u awdjoviżivi, imqassma skont temi differenti. Kull riżorsa għandha xi kliem muftieħ marbut magħha biex jiffaċilita t-tiftix.
Riżultati: 388
Qiegħda fil-Ponta taʼ Lsieni – I
Pubblikazzjoni:
Malta: Klabb Kotba Maltin
Kumment/i ġenerali:
Kif hemm miktub fuq il-qoxra tal-ktieb, dan huwa għajnuna biex wieħed jagħraf jitkellem fuq it-temp, ir-rabaʼ, iż-żargħa, it-trobbija tal-bhejjem, il-bini, is-sajd, is-snajjaʼ, id-daqq, u fuq ħafna minn dak kollu li jagħmilna Maltin. Hija riżorsa terminoloġika bil-Malti bʼsaħħitha ħafna, li tinfirex fuq tliet kotba. Fit-test miktub, it-terminoloġija bil-Malti tinsab bʼlinja taħtha u kapitali, waqt li dik bl-Ingliż tinsab fil-korsiv u fil-parentesi. Il-pubblikazzjoni hija mżejna bʼħafna illustrazzjonijiet dettaljati. Wara kull kapitlu, l-awtur jagħti miklem taʼ kliem dwar il-qasam trattat bʼtermini bil-Malti u bl-Ingliż. Fih mʼhemmex referenza għall-kelmiet kollha msemmija fil-kapitlu taʼ qabel u għalhekk qed nagħżel li niddokumenta wkoll xʼhemm fil-paġni taʼ qabel l-istess miklem.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Art u baħar, bir (bjar), ġiebja (ġwiebi) | 1-2 | Agrikultura, Bini u Arkitettura | |
| Art u baħar, ilma, naqal | 2-3 | Agrikultura, Bini u Arkitettura | |
| Art u baħar, ħerża (ħereż), plier (plieri) | 3 | Agrikultura, Bini u Arkitettura | |
| Art u baħar, sieqja (swieqi), vaska (vaski) | 3-4 | Agrikultura, Bini u Arkitettura | |
| Art u baħar, saffi tal-blat | 4-5, 6 | Ġeoloġija | |
| Art u baħar, spiera (spejjer/spieri), qana (qwieni) | 5-8 | Agrikultura, Bini u Arkitettura | |
| Art u baħar, ilma tal-pjan | 9 | Agrikultura | |
| Art u baħar, ħamla tal-wied | 9-10 | Agrikultura | |
| Art u baħar, wilġa (wileġ), ramla (ramliet) | 11-12 | Ġeografija, Ġeoloġija | |
| Art u baħar, fliegu (fliegi), qala (qaliet) | 13 | Ġeografija, Ġeoloġija | |
| Art u baħar, xagħri, moxa, ġmiem, bosk | 14-15 | Ġeografija, Ġeoloġija | |
| Art u baħar, borġ, qlejgħa | 15-16 | Ġeografija, Ġeoloġija | |
| Art u baħar, ilma, topografija, veġetazzjoni | 16-17 | Ġeografija, Ġeoloġija, Agrikultura | |
| Art u baħar, tipi taʼ ħamrija | 18 | Agrikultura, Ġeoloġija | Miklem bl-Ingliż u bil-Malti. |
| Art u baħar, saffi tal-blat (kif jinqasmu l-Qawwi taʼ Fuq u ż-Żonqor) | 19 | Ġeoloġija | |
| Temp, lejl u nhar, sħab | 23-24, 25 | Temp u Żmien | |
| Temp, lejl u nhar, xita | 24-25 | Temp u Żmien | |
| Temp, lejl u nhar, riħ u warda tar-riħ | 26-27 | Temp u Żmien | |
| Temp, lejl u nhar, temperatura | 27-28 | Temp u Żmien | |
| Temp, lejl u nhar, lejl u nhar | 29 | Temp u Żmien | |
| Temp, lejl u nhar, l-itwal u l-iqsar tax-xemx | 30-31 | Temp u Żmien | |
| Temp, lejl u nhar, staġuni | 31 | Temp u Żmien | |
| Temp, lejl u nhar, astronomija (is-sebaʼ kwiekeb) | 32-33 | Temp u Żmien, Astronomija | |
| Temp, lejl u nhar, astronomija u meteoroloġija | 33-35 | Temp u Żmien, Astronomija | Miklem bl-Ingliż u bil-Malti. |
| Żargħa, iż-żerriegħa saż-żerriegħa | 37-41 | Agrikultura, Flora u Fawna | |
| Żargħa, dakra | 42 | Agrikultura, Flora u Fawna | |
| Żargħa, xeblik | 42 | Agrikultura, Flora u Fawna | |
| Żargħa, parassiti | 43 | Agrikultura, Flora u Fawna | |
| Żargħa, siġar taʼ Malta | 44-45 | Agrikultura, Flora u Fawna | |
| Żargħa, tilqim tas-siġar | 45-49 | Agrikultura, Flora u Fawna | |
| Żargħa, fil-ġnien u fl-għalqa, is-siġar, siġar tal-frott irqiq, siġar taċ-ċitru, siġar oħra tal-frott, frott ieħor, tilqim tas-siġar, ħwawar, ħaxix tal-borma | 50-56 | Agrikultura, Flora u Fawna | Miklem. |
| Partijiet taz-zokk taʼ siġra | 56 | Agrikultura, Flora u Fawna | |
| Sengħa tal-bini | 59-63, 73-74 | Bini u Arkitettura | |
| Sengħa tal-bini, dar rurali, dar fl-ibliet u l-irħula, arkitettura, ħnejja/arkata, ħajt | 64-72 | Bini u Arkitettura | Miklem bl-Ingliż u bil-Malti. |
| Trobbija tal-bhejjem, mogħoż (mogħża) | 75-79 | Agrikultura | |
| Trobbija tal-bhejjem, nagħaġ (nagħġa) | 79-80 | Agrikultura | |
| Trobbija tal-bhejjem, baqar (baqra) | 80-82 | Agrikultura | |
| Trobbija tal-bhejjem, żwiemel (żiemel) | 83-94 | Agrikultura | |
| Trobbija tal-bhejjem, qżieqeż (qażquż) | 95 | Agrikultura | |
| Trobbija tal-bhejjem, klieb (kelb) | 96-106 | Agrikultura | |
| Trobbija tal-bhejjem, qtates (qattus) | 106-108 | Agrikultura | |
| Trobbija tal-bhejjem, fniek (fenek) | 109-111 | Agrikultura | |
| Trobbija tal-bhejjem, tjur (tajra) | 111-114 | Agrikultura | |
| Trobbija tal-bhejjem, mogħoż, nagħaġ, baqar, żwiemel, ħnieżer, klieb, qtates, fniek, tjur, ħamiem, stonku, għalf, ġwież, ħalib, għand tal-laħam, xedd, rota tal-karrettun | 114-124 | Agrikultura | Miklem. |
| Trobbija tan-naħal | 127-148, 152-153 | Agrikultura, Xogħol u Snajjaʼ | |
| Trobbija tan-naħal, tipi taʼ naħal, naħal tal-għasel, kaxxa tan-naħal, siġar u ħxejjex, mard tan-naħal, għedewwa tan-naħal, għodda tan-naħal | 148-151 | Agrikultura, Xogħol u Snajjaʼ | Miklem bil-Malti u bl-Ingliż. |
| Fuħħar | 155-169, 184-185 | Xogħol u Snajjaʼ | |
| Fuħħar | 170-181 | Xogħol u Snajjaʼ | Glossarju. |
| Fuħħar | 182-184 | Xogħol u Snajjaʼ | |
| Tbaħħir u sajd, bini taʼ dgħajsa, qlugħ, dgħajjes taʼ Malta, irkaptu, parit, tartarun, għażel, għażel tat-tkarkir, terrieħa, konz, tirjix, kannizzati, nases | 187-217 | Sajd u Marittima | Miklem bil-Malti u bl-Ingliż. |
Qiegħda fil-Ponta taʼ Lsieni – II
Pubblikazzjoni:
Malta: Klabb Kotba Maltin
Kumment/i ġenerali:
Din il-pubblikazzjoni tkompli maʼ taʼ qabilha, fejn fiha l-awtur jissokta jikkummenta fuq l-isbuħija tat-terminoloġija taʼ lsienna skont oqsma differenti tal-ħajja Maltija. Hija riżorsa terminoloġika bʼsaħħitha ħafna mżejna minn għadd taʼ illustrazzjonijiet sbieħ.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Temp, is-sema bil-Malti | 1-6, 7-12 | Temp u Żmien | |
| Temp, is-sema bil-Malti | 6-7, 201 | Temp u Żmien | Miklem. |
| Ħsad, dris, żrigħ u taħwil | 15-71 | Agrikultura | |
| Kejl, użin, ħajja tar-rabaʼ | 202-208 | Agrikultura, Matematika | Glossarju. |
| Ħobż tal-Malti | 73-84 | Xogħol u Snajjaʼ | |
| Ħobż tal-Malti | 208-209 | Xogħol u Snajjaʼ | Glossarju. |
| Forn tal-ħobż tal-Malti | 87-126 | Xogħol u Snajjaʼ | |
| Forn tal-ħobż tal-Malti | 209-210 | Xogħol u Snajjaʼ | Glossarju. |
| Ġobon tan-nar | 129-135 | Xogħol u Snajjaʼ | |
| Ġobon tan-nar | 210 | Xogħol u Snajjaʼ | Glossarju. |
| Tberfil | 137-150 | Xogħol u Snajjaʼ | |
| Tberfil | 210-211 | Xogħol u Snajjaʼ | Glossarju. |
| Sengħa tal-barrieri | 151-166 | Xogħol u Snajjaʼ | |
| Sengħa tal-barrieri | 211-213 | Xogħol u Snajjaʼ | Glossarju. |
| Flus, kejl, tmexxija | 169-200 | Matematika | |
| Flus, kejl, u tmexxija | 213-215 | Matematika | Glossarju. |
| Ħlejjaq tal-fantasija, bʼsetgħat speċjali, tal-biżaʼ, erwieħ, tal-praspar, eroj qalbiena, bhejjem, tjur u ħut tas-seħer, oġġetti u elementi tas-seħer, artijiet tal-fantasija u postijiet imsaħħra, ix-xitan u taʼ miegħu | 216-218 | Arti, Kultura u Folklor |
Qiegħda fil-Ponta taʼ Lsieni – III
Pubblikazzjoni:
Malta: Klabb Kotba Maltin
Kumment/i ġenerali:
It-tielet pubblikazzjoni tal-awtur li tittratta fid-dettall il-kalendarju tal-bidwi.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Is-siġar taʼ Malta | 268-274 | Flora u Fawna, Agrikultura | Bʼmod xjentifiku, bil-Malti u bl-Ingliż. |
| Biedja | 275-283 | Agrikultura | Indiċi tat-termini tal-biedja. |
Il-Karattri tal-Fantasija Maltin
Pubblikazzjoni:
Malta: Klabb Kotba Maltin
Kumment/i ġenerali:
Pubblikazzjoni sabiħa, mimlija informazzjoni u illustrazzjonijiet sbieħ, tal-karattri tal-fantasija Maltin.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Karattri tal-fantasija, ħares u ruħ/fatat | 6-13 | Arti, Kultura u Folklor | |
| Karattri tal-fantasija, gawgaw | 14-25 | Arti, Kultura u Folklor | |
| Karattri tal-fantasija, ors tal-gandlora | 26-31 | Arti, Kultura u Folklor | |
| Karattri tal-fantasija, ġganti | 32-37 | Arti, Kultura u Folklor | |
| Ħallieġa, ħalġ, magħżel, suf, tajjar | 34 | Xogħol u Snajjaʼ | Illustrazzjonijiet bit-terminoloġija Maltija magħhom. |
| Karattri tal-fantasija, Tork tat-taraġ | 38-43 | Arti, Kultura u Folklor | |
| Karattri tal-fantasija, saħħar, saħħara | 44-53 | Arti, Kultura u Folklor | |
| Fantasija, seħer | 54-55 | Xogħol u Snajjaʼ | Lista taʼ terminoloġija Malti-Ingliż-Malti tad-dinja tal-fantasija u tas-seħer. |
| Karattri tal-fantasija, ħaddiela | 56-59 | Arti, Kultura u Folklor | |
| Karattri tal-fantasija, belliegħa | 60-65 | Arti, Kultura u Folklor | |
| Karattri tal-fantasija, sirena | 66-71 | Arti, Kultura u Folklor | |
| Karattri tal-fantasija, waħx, waħx il-baqar | 72-83 | Arti, Kultura u Folklor | |
| Karattri tal-fantasija, għafrit | 84-87 | Arti, Kultura u Folklor | |
| Karattri tal-fantasija, għul, nanna għula | 88-93 | Arti, Kultura u Folklor | |
| Karattri tal-fantasija, xifajk | 94-97 | Arti, Kultura u Folklor | |
| Karattri tal-fantasija, imlejka | 98-101 | Arti, Kultura u Folklor | |
| Karattri tal-fantasija, serp tas-sebaʼ rjus | 102-105 | Arti, Kultura u Folklor | |
| Karattri tal-fantasija, sibilla, sittażbrilja | 106-109 | Arti, Kultura u Folklor | |
| Karattri tal-fantasija, tfajla tal-ġmiel, tronġa mewwija | 110-113 | Arti, Kultura u Folklor | |
| Karattri tal-fantasija, dinja tal-fantasija Maltija | 114-134 | Arti, Kultura u Folklor | |
| Karattri tal-fantasija | 135-141 | Arti, Kultura u Folklor |
The Geology, Botany and Natural History of the Maltese Islands
Pubblikazzjoni:
Malta: P. Bonavia
Kumment/i ġenerali:
Ktieb bl-Ingliż li jittratta oqsma differenti tal-ġeoloġija, il-botanika u l-istorja naturali tal-gżejjer Maltin. Fih għadd ġmielu taʼ termini bl-Ingliż u bʼmod xjentifiku. Qari bir-reqqa tiegħu aktarx joħroġ ukoll xi terminoloġija Maltija.
| Kliem muftieħ | Paġni | Qasam |
|---|---|---|
| Iktoloġija, ħut | 49-55 | Flora u Fawna, Sajd u Marittima |
| Krustaċi/krustaċji | 63-65 | Flora u Fawna, Sajd u Marittima |
| Molluski | 66-71 | Flora u Fawna, Sajd u Marittima |
| Ħxejjex/pjanti tal-baħar | 72-73 | Flora u Fawna, Sajd u Marittima |
Manwal għall-Qari tal-Provi
Pubblikazzjoni:
Malta: BDL
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Lingwa, qari tal-provi, pubblikazzjoni | 139-144 | Lingwa U letteratura | Glossarju taʼ terminoloġija u tifsiriet bil-Malti. |
Repertorio Botanico Maltese
Pubblikazzjoni:
Malta: Tipografia Laferla
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Botanika, pjanti, xitel, ħaxix | 1-68 | Flora u Fawna | Ġabra alfabetika taʼ terminoloġija bil-Malti dwar il-botanika Maltija. Minbarra t-terminu Malti, hemm dak Taljan, Ingliż u bʼmod xjentifiku, kif ukoll definizzjoni bit-Taljan tal-istess speċi. Fl-appendiċi taʼ wara, imbagħad, hemm indiċi tat-termini bit-Taljan u bl-Ingliż li jissemmew fid-dizzjunarju. |
Grammatika jew Tagħlim Mużikali Meħud minn Diversi Awturi Kbar tal-Mużika
Pubblikazzjoni:
Malta: L-Awtur
Kumment/i ġenerali:
Sa minn meta kien għadu żgaħżugħ, l-awtur taʼ dan il-manwal, is-Surmast u l-Kompożitur Gejtan Grech (1855-1938), kien ġa tħarreġ tajjeb fl-istudji tal-kontrapont u l-armonija, u fl-ewwel kompożizzjonijiet tiegħu wera ġenju mhux komuni. Matul ħajtu, kiteb u ppubblika għadd ġmielu taʼ biċċiet mużikali: marċijiet, sinfoniji, fantasiji valzers, galops, mażurki, inni/jiet, kif ukoll kompożizzjonijiet għall-kant u l-orkestra, bħall-quddies, vespri, antifoni, u l-bqija. Fost xi kompożizzjonijiet famużi tiegħu nsibu l-poema LʼAssedio di Malta (esegwita għall-ewwel darba mill-banda La Vallette), is-sinfonija La Figlia del Re Pipino (ippremjata fl-Espożizzjoni Kolonjali li saret fʼLondra), il-fantasija Bufera e Calma (li ndaqqet mill-banda Price of Wales tal-Belt), u l-Inno Nazionale (esegwit mill-banda La Vallette fl-ewwel kommemorazzjoni tal-Festa Nazzjonali). Sabiex iħajjar u jħeġġeġ it-tagħlim tal-mużika fost iż-żgħażagħ ħaddiema, kif kienu (u għadhom) il-biċċa l-kbira tal-bandisti fi żmienu, is-Surmast Grech kiteb bil-Malti din il-Grammatika tal-Mużika li l-ħtieġa tagħha kein ilu jinħass. Din il-biċċa xogħol irnexxiet ħafna tant li kienet rikonoxxuta bi premju mis-Soċjetà tal-Arti Manifattura u Kummerċ (Societa dʼArti, Manifatture e Commercio). Għad li ħafna mit-terminoloġija fiha tinsab tul it-test, hija riżorsa importanti ħafna li tittratta tajjeb dan il-qasam. Nirringrazzja lil Simon Farrugia, studjuż tal-mużika, li ġentilment tani aċċess għal din il-grammatika.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Kif tinqara l-mużika, noti | 7-8 | Mużika | Tinkludi diversi illustrazzjonijiet mużikali. |
| Ottavi, linji, spazji | 8-9 | Mużika | Tinkludi diversi illustrazzjonijiet mużikali. |
| Differenza, post, valur tan-noti, paragun tal-pied Ingliż mill-figuri | 9-10 | Mużika | Tinkludi diversi illustrazzjonijiet mużikali. |
| Kjavi, kemm huma, liema huma | 11 | Mużika | Tinkludi diversi illustrazzjonijiet mużikali. |
| Effett tal-pont, terzini, sestini, noti abbundanti | 12-13 | Mużika | Tinkludi diversi illustrazzjonijiet mużikali. |
| Mistrieħ, valur tiegħu | 13-14 | Mużika | Tinkludi diversi illustrazzjonijiet mużikali. |
| Dijesis, bemolli, bekwadri | 14-15 | Mużika | Tinkludi diversi illustrazzjonijiet mużikali. |
| Pawsa, replika, abbrevjatura, tremulu | 15-16 | Mużika | Tinkludi diversi illustrazzjonijiet mużikali. |
| Temp, battuta forti u deboli | 17-18 | Mużika | Tinkludi diversi illustrazzjonijiet mużikali. |
| Tempijiet, tqassim u taħbit tagħhom | 18-22 | Mużika | Tinkludi diversi illustrazzjonijiet mużikali. |
| Intervalli u ton, kif u fʼkemm jitqassmu | 22-26 | Mużika | Tinkludi diversi illustrazzjonijiet mużikali. |
| Skajjel, paragun, numru | 26-29 | Mużika | Tinkludi diversi illustrazzjonijiet mużikali. |
| Abbellimenti | 29-30 | Mużika | Tinkludi diversi illustrazzjonijiet mużikali. |
| Moviment, espressjoni | 31 | Mużika | Termini li juru l-moviment u l-espressjoni. |
| Legatura, sinkopi, ritmu/rittmu, stakkat | 32-33 | Mużika | Tinkludi diversi illustrazzjonijiet mużikali. |
| Mużika | 33-34 | Mużika | Kliem li wieħed għandu jkun jaf. |
Dizzjunarju tal-Kontabilità Ingliż-Malti
Pubblikazzjoni:
Malta: Malta University Press
Kumment/i ġenerali:
Dizzjunarju taʼ valur terminoloġiku bʼsaħħtu ħafna li, bʼħafna dettall u riċerka taʼ awtur li jaħdem fil-qasam ikkonċernat, jiġbor it-termini, l-espressjonijiet u l-idjoma Maltija dwar il-qasam tal-kontabilità fʼMalta.
| Kliem muftieħ | Paġni | Qasam |
|---|---|---|
| Kontabilità/accounts, kont/kontijiet | 1-107 | Finanzi u Kummerċ |
The Fishes of Malta: With Their Maltese, Italian and Season
Pubblikazzjoni:
Malta: Malta News Printing Establishment
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Ħut | 9-15 | Flora u Fawna | Lista alfabetika taʼ ħut bl-ismijiet Maltin, Taljani u Ingliż, bl-istaġun tagħhom. |
Il-Mitħna tar-Riħ
Pubblikazzjoni:
Malta: Pubblikazzjoni tal-Kunsill Lokali taż-Żurrieq
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Partijiet tal-mitħna minn barra, antenni | 25 | Xogħol u Snajjaʼ | Illustrazzjoni bit-terminoloġija magħha. |
| Partijiet tal-mitħna minn ġewwa, makkinarju | 29, 31 | Xogħol u Snajjaʼ | Illustrazzjonijiet bit-terminoloġija magħhom. |
A Glossary of Terms Used in Human Rights Law in Malta: Terms Found in Maltese Legislation Concerning Human Rights
Pubblikazzjoni:
Malta: LAP Lambert Academic Publishing
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Liġi, drittijiet umani | 13-21 | Liġi, Soċjetà u Soċjoloġija | Lista alfabetika Ingliż-Malti. Imbagħad, fʼpaġni 31-53 hemm noti oħra li jispjegaw lill-istess termini, bl-ekwivalenti Ingliż-Malti, id-definizzjoni bl-Ingliż, eżempju tal-użu tat-termini fʼkuntest Ingliż u Malti, u alternattivi oħra għat-terminu Malti. |
| Liġi, drittijiet umani | 22-30 | Liġi, Soċjetà u Soċjoloġija | Lista alfabetika Malti-Ingliż. Imbagħad, fʼpaġni 31-53 hemm noti oħra li jispjegaw lill-istess termini, bl-ekwivalenti Ingliż-Malti, id-definizzjoni bl-Ingliż, eżempju tal-użu tat-termini fʼkuntest Ingliż u Malti, u alternattivi oħra għat-terminu Malti. |
Prontuario di Storia Naturale: Contenente la Nomenclatura Scientifica coi Corrispondenti Vocaboli Italiani ed Inglesi degli Animali e delle Piante che Sono Conosciuti sotto una Denominazione Maltese
Pubblikazzjoni:
Malta: A. Puglisevich
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Flora u fawna taʼ Malta, pjanti, siġar, għasafar, ħut, annimali | 9-70 | Flora u Fawna | Ġabra alfabetika taʼ terminoloġija bil-Malti dwar il-flora u l-fawna taʼ Malta. Minbarra t-terminu Malti hemm il-varjanti tiegħu, kif ukoll l-isem korrispondenti bit-Taljan, bl-Ingliż u bʼmod xjentifiku. Id-definizzjonijiet tal-istess speċi huma kollha bit-Taljan. |
La Geologia ed i Fossili delle Isole Maltesi
Pubblikazzjoni:
Malta: Tipografia di G. Muscat
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Ġeoloġija, blat, fossili | 3-30 | Ġeoloġija, Flora u Fawna | Pubblikazzjoni bit-Taljan. Xi terminoloġija bil-Malti tinsab fi ħdan it-test fil-korsiv. |
A List of the Birds of Malta: Compiled fot the University Museum of Natural History
Pubblikazzjoni:
Malta: Government Printing Office
Kumment/i ġenerali:
Kif jikteb l-awtur fid-daħla tal-ktieb, sa qabel dan ix-xogħol, ħidmet Schembri (1838) bʼġabra taʼ 223 speċi taʼ għasfur, dik taʼ Wright u Blasius (1864) fl-Ibis bʼżieda taʼ 38 speċi ġodda, u dik taʼ Blasius (1894) fl-Ornis bʼlista taʼ 288 speċi kienu l-iżjed tliet xogħlijiet ornitoloġiċi importanti lokali. Issa, ir-riżorsa taʼ Despott tinkludi l-ispeċi kollha li l-awtur iltaqaʼ magħhom sa Diċembru tal-1914, bit-tnaqqis taʼ xi speċi li jissemmew fit-tliet katalgi preċedenti ladarba, għal raġunijiet studjati tal-istess awtur, ma jistgħux jitqiesu bħala għasafar tal-Gżejjer Maltin.
| Kliem muftieħ | Paġni | Qasam | Kumment/i dwar ir-riżorsa misluta |
|---|---|---|---|
| Għasafar | 1-39 | Flora u Fawna | Katalgu taʼ 339 speċi taʼ għasfur tal-Gżejjer Maltin, bl-isem Ingliż, Latin u Malti, kif ukoll xi osservazzjonijiet ħfief bl-Ingliż (bħall-frekwenza u ż-żmien li jpassu l-għasafar) dwar kull speċi. |